Bargauf un Bargab, Dunklheit un Licht.

Veröffentlicht am: 20.12.2023, 23:23 Uhr - von: Sebastian

Vater hier stieh iech und wess nischt ze sogn. De Kinner fraahe sich of Weihnachtn, mir is aber gar net su dornoch. Finster isses net nehr draußen. Do is noch su viel annersch, wos is Laabn dunkl macht. Do sei Streit, Eigensucht, Krankheit un Verluste. Arscht letztn Freddich dahts ganz lange leitn in unnerm Ort. Mit hängende Schultern stieht mor do dorbei, frocht sich warum un kah doch nischt machen.

Vater, du hast schie an miech gedacht, wu iech noch gar net of dare Erd war. Du wusstest, wie dos mol mit mir wert, wos iech for Fahler mach und wu iech von dir dorfuh renn. Un dorwang willst du miech net allah lossn. Du willst miech su, wie ich bieh. Du willst in mei Harz nei kumme.

Vater, hab Dank, dos du miech willst. Du kennst alle Ugelicker, mit die ich ze tu hoh. Namm alles hie! Allen Streit, alle Fahler, alle Scharbn aus meim Labn un mach ewos draus. Guck aber ah de gutn Dinge aah und hoh fraad an mir un dam wos iech mach un tu. Vater kumm itze in mei Harz un in mei Labn.

Amen.

Wu a Wort enn net berührt do hilft mannigsmohl a Lied. Wu menschliches Gered en net wetter brengt, do rührt ein emmende inne Melodie is Harz ah. Dan enn zun Trost un in annern zr fraad.

www.youtube.com/watch?v=wxOpeRX8K2I

Inne gesegnete Weihnachtszeit eich allen!